SIMULIZI YA MAMA MDOGO SURA YA .......15.....

ILIPOISHIA
Maisha yaliendelea kuwa mazuri na baba Jamal hakuwahi kugundua chochote kinachoendelea kati ya mkewe na mwanawe Jamal. Hatimaye muda wa kujifungua kwa mama mdogo uliwadia, alijifungua mtoto wa kiume na kumpa jina la Rama. Wakati huo Jamal alikuwa akimaliza Kidato cha Sita na alimpenda sana mtoto wa mama yake mdogo. Alipokuwa nyumbani alitumia muda mwingi kucheza na yule mtoto kiasi kwamba hata mama yake mdogo alifurahi sana.USIKOSE SURA YA ........15..........

INAPOENDELEA

Hatimaye Jamal alimaliza Kidato cha Sita na matokeo yalipotoka alikuwa amefaulu vizuri sana. Baba yake na mama mdogo wote walifurahi sana na matokeo mazuri ya kijana wao kisha walimtaka aendeleze juhudi zaidi katika masomo ya chuo. Jamal Alijaza fomu za kujiunga na Chuo Kikuuu cha Dar es Salaam. Aisha alikuwa amemaliza Darasa la Saba na sasa alikuwa akisoma Kidato cha Kwanza katika Shule ya Sekondari ya Jangwani.

Jamal aliamua kwenda kuishi hosteli za mabibo. Lakini alikuwa akija nyumbani mara kwa mara hasa siku za Jumamosi na Jumapili. Uhusiano wa kimapenzi na mama yake mdogo uliendelea kila walipokutana. Jamal alishazoea kabisa kuwa na mama yake mdogo na hata baba yake alipoona jinsi Jamal alivyo karibu na mama yake mdogo alikuwa akifurahi sana bila kujua nini kimewaweka karibu.

********Baada ya miezi mitatu********

Siku moja Jamal alipomaliza tu kufanya mtihani wa moja ya masomo anayosoma alikwenda moja kwa moja chumbani kwake hosteli za mabibo. Baada ya kuoga aliamua kwenda katika kiwanja cha mpira wa miguu ambako alikaa peke yake akiwaza na kutafakari juu ya uhusiano na mama yake mdogo.

“Nimekuwa na uhusiano na mke wa baba yangu kwa muda mrefu sana sasa. Kibaya zaidi nimezaa naye ingawa baba hafahamu. Kila ninapomwona baba, nafsi yangu inanishtaki na ninaogopa sana, sina raha dunia hii kila ninapokumbuka kuhusu mama mdogo. Sijui hatima ya jambo hili, kwani baba anajua Rama ni mdogo wangu. Lakini haya yote yasingetokea isingekuwa ni umalaya wa mama mdogo sijui nitafanya nini.

Hili ni kosa kubwa sana na ni dhambi mbele za Mungu. Na baba akigundua ataniua tu! Lazima ataniua.” Aliwaza Jamal. Jamal alijiuliza maswali mengi ambayo majibu yake hakuwa nayo. “Nadhani nimwambie mama mdogo ili tujadili na kuamua nini cha. Hivi hadi lini nitaendelea kukosa raha?” Aliwaza Jamal. Baada ya kukaa takribani saa tatu pale uwanjani, Jamal aliamua kurudi chumbani kujisomea kwani siku iliyofuata alikuwa na mtihani. Ulipofika muda wa usiku Jamal alikwenda kulala huku akiwa na mawazo mengi sana kuhusu mama yake mdogo na uhusiano walianao. 

Kila usingizi ulipomjia alianza kuota ndoto mbaya za kukimbizwa na mnyama wa ajabu, za kupaa hewani,  kumezwa na joka kubwa, za kufeli mtihani, za kufiwa mdogo wake n.k. Yapata saa tisa hivi za alfajiri Jamal aliota ndoto mbaya zaidi, ilikuwa ni ndoto ya kujiwa na mama yake mzazi aliyefariki siku nyingi. Akiwa usingizini aliota mama yake akiwa amesimama pembeni mwa kitanda chake amevaa nguo nyeupe akimtazama huku akiwa anatoa machozi, alimuuliza swali: “Mwanangu kwa nini umefanya hivi? Kisha alitoweka.

Jamal alishtuka kutoka usingizini akiwa na hofu na kutweta kama mtu aliyepagawa. “Mungu wangu nimemwona Mama! Mama nisamehe! Mama yangu nisamehe! Uko wapi Mama?” Alipiga kelele Jamal. Baada ya kushtuka Jamal aliamka akiwa amechanganyikiwa. Hakupata usingizi tena hadi kulipopambazuka. Ilipofika asubuhi Jamal alioga haraka na kuelekea nyumbani kwao kwani alijaa hofu kubwa kuhusiana na ile ndoto. Alipofika nyumbani alimkuta mama yake mdogo peke yake, ambaye alifurahi sana alipomwona tu Jamali.

“Jamal mpenzi wangu nimefurahi sana umekuja nimekukosa siku nyingi sana” Alitamka mama mdogo huku akielekea kumkumbatia Jamal. “Sikiliza mama mdogo, huu mchezo uishe siku ya leo sasa hivi, sitaki! Nasema sitaki! Pia hata baba sasa nitamuweka wazi yote yaliyotokea.” Aliongea Jamal huku akimsukumia mbali mama mdogo. “He! we Jamal una kichaa nini? Yaani unataka kumwambia nini baba yako? Sasa naona unataka kuuwasha moto ambao kuuzima hutaweza. Ehe! na ukisha mwambia unatarajia nini?” Aliongea mama mdogo kwa kufoka. “Natarajia vyovyote itakavyokuwa, liwalo na liwe.” Alijibu Jamal. Mama yake mdogo alishindwa kuelewa Jamal amepatwa na maswaibu gani akasema.